«Արևմուտքն այլակարծության նկատմամբ տոտալիտար անհանդուրժողականություն է ցուցաբերում։ Արևմտյան ճնշումների հոսքի տակ են ընկնում և՛ սոցցանցերի առանձին օգտատերեր, և խոշոր ԶԼՄ–ներ` տարիներով ստեղծված նորությունների և գնահատականների տարածման իրենց ողջ ենթակառուցվածքով»,- ասել է Լավրովը։
«Անում են դա ցուցադրաբար, առանց քաշվելու։ Օրերս Youtube-ը սահմանափակեց ԱԳՆ պաշտոնական ներկայացուցչի ճեպազրույցի հասանելիությունը, այնուհետև նույնանման միջոցների ենթարկվեց Պետդումայի էջը»,- ասել է ՌԴ նախարարը։
«ԱԳՆ-ն ընդհանուր միտումից հեռու չի մնում` ակտիվորեն զարգացնելով թվային օրակարգը, անելու ենք անհրաժեշտ ամեն բան ԱԳՆ-ի շրջանակում տեղեկատվական անվտանգությունն ուժեղացնելու համար` նպատակ ունենալով արդյունավետ պայքար մղել կիբեռվտանգների դեմ, որոնք նկատելիորեն աճել են»,- ասել է Լավրովը։