ԵՐԵՎԱՆ, 10 ապրիլի – Sputnik. Վիկտորյա և Դևիդ Բեքհեմների ավագ որդու՝ Բրուքլին Բեքհեմի և նրա հարսնացուի՝ միլիարդների ժառանգորդուհի, դերասանուհի և մոդել Նիկոլա Պելցի երկար սպասված հարսանիքը կայացել է երեկ Ֆլորիդայում։ Երիտասարդները երդումներ են փոխանակել Նիկոլայի հոր առանձնատանը՝ Փալմ Բիչում։
Արևմտյան ԶԼՄ-ների հաղորդմամբ՝ դա մեծ տոնակատարության առաջին մասն է եղել։ Երկրորդը նախատեսվում է անցկացնել Անգիլայում՝ փեսացուի հայրենիքում։ Փեսացուն, ի դեպ, շեֆ-խոհարար է աշխատում։
Հարսնացուն երեկոյի ընթացքում երեք զգեստ է փոխել։ Ընդ որում՝ դրանցից մեկը Valentino-ի տնօրեն Պիեռպաոլո Պիչչոլին հատուկ նրա համար էր ստեղծել։ Վիկտորյա Բեքհեմը կրել է արծաթագույն շրջազգեստ՝ սեփական դիզայնով։
Նորապսակները մատանիներ են փոխանակել ընտանիքի անդամների և ընկերների ներկայությամբ, որոնց թվում եղել են այնպիսի աստղեր, ինչպիսիք են Սերենա և Վինուս Ուիլյամսները, Եվա Լոնգորիան, Գորդոն Ռամզին, Մեգան Մարքլն ու արքայազն Հարրին, Spice Girls խումբը՝ ամբողջ կազմով, Ջիջի Հադիդը, Նիկոլ Ռիչին, Էլիզաբեթ Հըրլին և Ժիզել Բունդխենը։
Տոնակատարության ընթացքում որպես դիջեյ հանդես է եկել Սնուփ Դոգը, որը Դևիդ Բեքհեմի հին ընկերն է։
Պելցն ու Բրուքլինը սկսել են հանդիպել 2019թ․-ին, 2020-ի հուլիսին նշանվել էին։
Ինչպես հայտնում է The Sun պարբերականը, Բրուքլինը որոշել է հարսնացուի՝ Նիկոլա Պելցի ազգանունը վերցնել որպես երկրորդ անուն։ Այդպես Բեքհեմը ավելի մոտ կլինի միլիարդատեր Նելսոն Պելցի ժառանգորդի հարազատներին։
Ավելի վաղ Բրուքլին Բեքհեմն ու Նիկոլա Պելցը որոշել էին ապահովել հարուստ ծնողների ժառանգությունը․ ամուսնությունը խզելու դեպքում երկու ընտանիքների կապիտալները չեն տուժի։