ԵՐԵՎԱՆ, 1 ապրիլի – Sputnik. ԱԺ–ի աարտահերթ նիստում «Քաղաքացիական պայմանագիր» խմբակցության պատգամավորների ներկայացրած «Տեղական ինքնակառավարման մասին» օրենքում լրացում կատարելու մասին նախագիծն ընդունվեց առաջին ընթերցմամբ։
Նախագծին կողմ քվեարկեց 57, դեմ` 4 պատգամավոր։
Ընդդիմադիր «Հայաստան» խմբակցութունը չմասնակցեց քվեարկությանը։
««Հայաստան» խմբակցութունը հայտարարել է, որ իրենք չեն մասնակցելու քվեարկությանը։ Խնդրում եմ հարգելի համարել այս չմասնակցությունը»,– քվեարկությունից առաջ հայտարարեց ԱԺ նախագահ Ալեն Սիմոնյանը։
Նշենք, որ արտահերթ նիստի օրակարգի համաձայն, նախագծի երկրորդ ընթերցմամբ քննարկումն ու քվերակությունը կկազմակերպվի ժամեր անց` ԱԺ հանձնաժողովում նախագծի հերթական հաստատումից հետո։
Հիշեցնենք` ԱԺ–ն այսօր «Քաղաքացիական պայմանագիր» խմբակցության պատգամավորների նախաձեռնությամբ արտահերթ նիստ է գումարել։ Օրակարգում մեկ հարց է` «Տեղական ինքնակառավարման մասին» օրենքում լրացում կատարելու մասին ՔՊ–ի հեղինակած նախագիծը։ Ընդ որում, նախագծի երկու ընթացումներն էլ նախատեսվում է իրականացնել մեկ նիստում` 24 ժամվա ընթացքում։
Նախագծի համահեղինակ, ՔՊ անդամ Վահագն Հովակիմյանը նախագծի հրատապությունը մեկնաբանեց ՀՀ որոշ համայնքներում, մասնավորապես Վանաձորում ստեղծված վիճակով։
ՔՊ–ն առաջարկում է օրենքում փոփոխություն կատարել` սահմանելով, որ միավորված համայնքի ավագանու առաջին նիստը պետք է անցկացվի ավագանու լիազորությունները ստանձնելու պահից քսան օրվա ընթացքում։ Հակառակ դեպքում ավագանու լիազորությունները վաղաժամկետ դադարեցվում են, և ՀՀ վարչապետը նշանակում է համայնքի ղեկավարի պաշտոնակատար մինչև օրենքով սահմանված կարգով նորընտիր համայնքի ղեկավարի լիազորությունների ստանձնումը: