ԵՐԵՎԱՆ, 29 մարտի – Sputnik. Հայաստանի մարմնամարզության ֆեդերացիան հայտնում է, որ Նատալյա Ռոտենբերգը այլևս ֆեդերացիայի փոխնախագահը չէ։ Ֆեդերացիան ֆեյսբուքյան իր էջում է այդ գրառումն արել` չնշելով, թե որն է պատճառը։
«ՀՄՖ-ն դադարեցնում է նրա հետ համագործակցությունը»,–ասվում է հաղորդագրության մեջ։
Հիշեցնենք` ՀՀ կրթության, գիտության, մշակույթի և սպորտի նախարարությունը փետրվարի 4-ին էր հայտնել, որ Ռոտենբերգը նշանակվել է ՀՀ մարմնամարզության ֆեդերացիայի գեղարվեստական մարմնամարզության գծով փոխնախագահ։
Նատալյա Ռոտենբերգը «Ալյանս» կուսակցության բարձրագույն խորհրդի նախագահ Տիգրան Արզաքանցյանի կինն է։