Իսպանիայում վառելիքի թանկացման պատճառով հազարավոր մարդիկ դուրս են եկել փողոց և բողոքի ակցիա են իրականացնում։
Կառավարության խոստումը` սուբսիդիաներ հատկացնել և 20 ցենտով նվազեցնել մեկ լիտրի գինը, հասարակությանը չի բավարարել։ Որովհետև գնաճը հենց իշխանությունների սխալի հետևանքն է։ Ինչպես գրում է The Local Spain-ը, վառելիքի «20-ցենտանոց զեղչի» մասին պայմանագիրը կառավարությունը նախատեսում էր կնքել Comité Nacional de Transporte por Carretera ազգային արհմիության հետ, որը չի ներկայացնում ցուցարարների շահերը: Իսկ Մադրիդում գործադուլը կազմակերպել է Plataforma Nacional por la Defensa del Transporte արհմիությունը, որի հետ կառավարությունը հրաժարվել է ուղղակի բանակցություններից։
Էներգակիրների գների կարգավորման և աշխատատեղերի պահպանման պահանջով բողոքի ակցիաներ անցկացվել են Իսպանիայի 58 քաղաքներում:
Հիշեցնենք, որ հակառուսական պատժամիջոցների պատճառով Իսպանիայում դիզելային վառելիքը թանկացել է 15 տոկոսով։ Ընդ որում, Իսպանիան ռուսական նավթից ոչ այնքան կախված եվրոպական երկիր է։ Մինչդեռ Վաշինգտոնը շարունակում է ճնշում գործադրել ԵՄ երկրների վրա, որպեսզի վերջիններս հրաժարվեն ՌԴ-ից էներգակիրներից։