ԵՐԵՎԱՆ, 22 մարտի - Sputnik. Մոսկվայի Լեֆորտովի շրջանային դատարանը խարդախության և դատարանին վիրավորելու քրեական գործով Ալեքսեյ Նավալնիի նկատմամբ մեղադրական դատավճիռ է կայացրել, հայտնում է ՌԻԱ Նովոստին:
Կողմերի վիճաբանությունների ընթացքում պետական մեղադրողը դատարանին խնդրել է դատապարտյալ բլոգեր Նավալնուն մեղավոր ճանաչել և նրան պատիժ նշանակել` ազատազրկում խիստ ռեժիմի գաղութում 13 տարի ժամկետով և 1,2 մլն ռուբլի տուգանք`դատավորին վիրավորելու համար: Նավալնին չի ընդունում իր մեղքը։
Դատավորը ներկայացրել է նաև տեղեկություններ տուժողների ու միջոցների մասին, որոնք ձեռք են բերվել խարդախությամբ:
Մոսկվայի Լեֆորտովի շրջանային դատարանը խարդախության և դատարանի վիրավորանքի գործը քննում է Վլադիմիրի մարզի գաղութում, արտագնա նիստերում, որտեղ Նավալնին արդեն կրում է իր պատիժը:
Ավելի ուշ պարզ դարձավ, որ դատարանը Նավալնուն դատապարտել է 9 տարվա ազատազրկման` խիստ ռեժիմի գաղութում։
Ինչպես ավելի վաղ ՌԻԱ Նովոստիին հայտնել էին դատարանում, խարդախության գործը հարուցվել էր ավելի քան մեկ տարի առաջ: Հետաքննության տվյալներով՝ Նավալնին առևանգել և անձնական կարիքների համար ծախսել է Կոռուպցիայի դեմ պայքարի հիմնադրամի (Ռուսաստանում արգելված կազմակերպություն) նվիրաբերած գումարի մի մասը:
Նույն գործի երկրորդ դրվագը վերաբերում է դատավոր Վերա Ակիմովային, որը բլոգերին դատապարտել է Հայրենական մեծ պատերազմի վետերան Իգնատ Արտեմենկոյին զրպարտելու համար, դատավարության արդյունքում Նավալնին 850 հազար ռուբլի տուգանք է ստացել: