ՌԴ ՊՆ–ն հրապարակել է Ուկրաինայի ԶՈւ ռազմական ենթակառուցվածքները Սու-25 գրոհիչներով ոչնչացնելու կադրերը։
Տեսագրությունում երևում է` ինչպես են Սու-25–ները օդ բարձրանում մայրամուտի ֆոնին։ Այնուհետև ցուցադրվում են գրոհիչների թիրախավորումն ու այրվող պահեստը։
Ինչպես նշել են ՌԴ ՊՆ–ում, ՌԴ ՕՏՈւ Սու-25 գրոհիչների անձնակազմերը ոչնչացրել են սպառազինությամբ և զինամթերքով ուկրաինական պահեստները։
Ռումբերը զույգ–զույգ են նետվել միջին և փոքր բարձրություններից։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 22–րդ օրը։