ԵՐԵՎԱՆ, 16 մարտի - Sputnik. Ադրբեջանի պետական անվտանգության ծառայությունը պետական դավաճանության կասկածանքով ձերբակալել է 41-ամյա քաղաքացի Էմիլ Մամեդով Ռամիզօղլուին։ Տեղեկությունը հաղորդում է Sputnik-ը:
Նշվում է, որ Էմիլ Մամեդովը երրորդ երկրի տարածքում հանդիպել է Հայաստանի հատուկ ծառայությունների աշխատակիցների հետ և գումարի դիմաց գաղտնի համագործակցություն սկսել օտարերկրյա հատուկ ծառայությունների ներկայացուցիչներին օգնություն ցուցաբերելու նպատակով։ Նրան հանձնարարվել է տեղեկություններ հավաքել, որոնք կարող էին օգտագործվել ի վնաս Ադրբեջանի պետական անվտանգության: Մամեդովը պահպանել է շփումների գաղտնիության և գաղտնազերծման կանոնները, որոնք սահմանել են Հայաստանի հատուկ ծառայությունների ներկայացուցիչները։
Նա կալանավորվել է դատարանի որոշմամբ։ Քննչական-օպերատիվ միջոցառումները շարունակվում են: