ԵՐԵՎԱՆ, 15 մարտի – Sputnik. Ռուսաստանի Դաշնության զինված ուժերը մարտի 15-ի գիշերն ամբողջական վերահսկողության տակ է վերցրել է Խերսոնի ողջ շրջանը։ Տեղեկությունը ճեպազրույցի ժամանակ հայտնել է ՌԴ ՊՆ պաշտոնական ներկայացուցիչ Իգոր Կոնաշենկովը։
Նա հավելել է, որ Դոնեցկի Ժողովրդական Հանրապետության զորքերի հարձակողական խմբավորումը ճեղքել է ուկրաինացի ազգայնականների պաշտպանությունը՝ վերահսկողության տակ վերցնելով Պանտելեյմոնովկա բնակավայրը, ընդ որում, դեպի Վերխնետորեցկոյե-Նովոսելովկա` 2 ելքով։
Ռուսաստանի զինված ուժերը խոցել են նաև Կրամատորսկի մերձակայքում ուկրաինական զորքերի օդանավակայանը, ինչի հետևանքով ոչնչացվել է Սու-25-ի 4 գրոհիչ և 6 ուղղաթիռ:
«Կրամատորսկի մոտ գտնվող ռազմական օդանավակայանում ոչնչացվել է 3 պահեստ՝ Սու-25–ի 4 ուկրաինական գրոհայինով և 6 ուղղաթիռով»,– ասել է Կոնաշենկովը։
Երեկ երեկոյան Գուտա–Մեժիգորսկայա բնակավայրի մոտ ռուս դեսանտայինները գրավել են ազգայնականների և օտարերկրյա վարձկանների հենակետը, առգրավել Javelin ամերիկյան 10 համալիր և արևմտյան սպառազինության մի շարք այլ նմուշներ, այդ ամենը փոխանցվել է ԴԺՀ-ի և ԼԺՀ-ի ուժերին:
Նրա խոսքով՝ Ռուսաստանի զինված ուժերը Ուկրաինայում հատուկ ռազմական գործողության սկսվելուց ի վեր ոչնչացրել են 156 անօդաչու թռչող սարք,1306 տանկ ու այլ զրահատեխնիկա:
«Հատուկ ռազմական գործողության մեկնարկից ի վեր ոչնչացվել է նաև 127 համազարկային կրակի ռեակտիվ համակարգ, 471 դաշտային հրետանի և ականանետ, ինչպես նաև 1054 միավոր հատուկ ռազմական ավտոմոբիլային տեխնիկա»,- ասել է ՌԴ ՊՆ պաշտոնական ներկայացուցիչը:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Ուկրաինայում մարտական գործողություններն ընթանում են արդեն 20–րդ օրը։