ԵՐԵՎԱՆ, 14 մարտի – Sputnik. Ուկրաինացի նեոնացիստները շարունակում են օգտագործել «լռության ռեժիմը»՝ վերախմբավորվելու և մարտունակությունը վերականգնելու համար։
Նման հայտարարություն է արել Ռուսաստանի Դաշնության պաշտպանության վարչության ազգային կենտրոնի ղեկավար, գեներալ-գնդապետ Միխայիլ Միզինցևը։
Նրա խոսքով՝ ՌԴ ԶՈւ-ն օբյեկտիվ վերահսկողության, այդ թվում՝ անօդաչու թռչող սարքերի կիրառման միջոցով մշտապես արձանագրում է հումանիտար երթուղիներում իրավիճակի բոլոր փոփոխությունները։
«Կրկին հաստատվել է, որ ուկրաինական ստորաբաժանումները և նեոնացիստների գումարտակները շարունակում են օգտագործել ամենօրյա «լռության ռեժիմները», միայն ավելի շահավետ դիրքերում վերախմբավորվելու, մարտունակությունը վերականգնելու և նյութական միջոցները համալրելու համար ՝ միաժամանակ թաքնվելով խաղաղ բնակիչների հետևում, որպես կենդանի վահան օգտագործելով նրանց»,–նշել է Միզինցևը։
Նա հայտնել է, որ Ռուսաստանի առաջարկած տասը երթուղիներից ուկրաինական իշխանությունները մինչ օրս պայմանավորվել են միայն 3–ի շուրջ, միևնույն ժամանակ մարդասիրական ոչ մի միջանցք Ռուսաստանի Դաշնությունում չկա։ Ռուսաստանը համաձայնել է 11 հավելյալ մարդասիրական միջանցքներ ստեղծել Կիևի, Զապորոժիեի, Մարիուպոլի, Լուգանսկի և Դոնեցկի ուղղություններով:
Միզինցևը նշել է, որ միևնույն ժամանակ անհեթեթ են թվում Մելիտոպոլ և Խերսոն ուկրաինական կողմի ենթադրյալ հումանիտար բեռի ուղարկումը։
ՌԴ ՊՆ-ն ևս մեկ անգամ ընդգծել է, որ այդ քաղաքները գտնվում են ռուսական զորքերի լիակատար վերահսկողության ներքո, նրանց բնակչությունը շարունակում է ապրել խաղաղ կյանքով և Ռուսաստանի Դաշնության կողմից տրամադրվում է անհրաժեշտ ամեն ինչ։ Այս բնակավայրերի բնակիչներին օգնություն ցուցաբերելու հետ կապված խնդիրներ չկան։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Մարտական գործողություններն ընթանում են արդեն 19–րդ օրը։