Այսօր` մարտի 13-ին, Հայաստանի Հանրապետության արդեն 5-րդ նախագահը ՀՀ 30-ամյա պատմության ընթացքում 8-րդ անգամ հանդիսավոր պայմաններում երդվեց ծառայել պետությանն ու ժողովրդին։
Ըստ ավանդույթի՝ նախագահը երդվեց Աստվածաշնչի ու Սահմանադրության մայր օրինակի վրա աջ ձեռքը դրած։
Հանրապետության նախագահը պաշտոնը ստանձնեց Ազգային ժողովի հատուկ նիստում, ժողովրդին տրված հետևյալ երդմամբ. «Ստանձնելով Հանրապետության նախագահի պաշտոնը՝ երդվում եմ. հավատարիմ լինել Հայաստանի Հանրապետության Սահմանադրությանը, իմ լիազորություններն իրականացնելիս լինել անաչառ, առաջնորդվել միայն համապետական ու համազգային շահերով և իմ ողջ ուժը ներդնել ազգային միասնության ամրապնդման գործում»։ Սա ՀՀ գործող Սահմանադրության պահանջն է։
Վահագն Խաչատուրյանը ՀՀ նախագահ է ընտրվել մարտի 3-ին Հայաստանի Ազգային ժողովի իշխող խմբակցության 71 պատգամավորների միաձայն քվեարկությամբ։