Ձյուն կգա, կշարունակի ցրտել, քամին կուժգնանա. եղանակի տեսություն

ԵՐԵՎԱՆ, 13 մարտի – Sputnik. Հայաստանի Հանրապետության տարածքում այսօր, մարտի 15-ի գիշերը, 16-ին ժամանակ առ ժամանակ շրջանների զգալի մասում, 14-ին, 15-ի և 17-ի ցերեկը առանձին շրջաններում սպասվում են տեղումներ, առանձին հատվածներում՝ ինտենսիվ: Տեղեկությունը հայտնում է ՀՀ ԱԻՆ մամուլի ծառայությունը։

Քամին կլինի հյուսիսարևմտյան՝ 3-7 մ/վ արագությամբ, այսօր առանձին շրջաններում սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանը մինչև մարտի 15-ն աստիճանաբար կնվազի 4-6 աստիճանով։

Երևան քաղաքում այսօր, մարտի 15-ի գիշերը, 16-ին ժամանակ առ ժամանակ սպասվում են տեղումներ:

Մարտի 14-ին, 15-ի և 17-ի ցերեկը քաղաքի առանձին հատվածներում սպասվում են թույլ և կարճատև տեղումներ: