ՊԲ–ն հաստատեց` Խնուշինակի ուղղությամբ կրակել են. մանրամասներ

ԵՐԵՎԱՆ, 9 մարտի – Sputnik. Այսօր, ժամը 14։00-14։30 սահմաններում, ԱՀ Մարտունու շրջանի Խնուշինակ գյուղի ուղղությամբ տեղակայված դիրքերից ադրբեջանական կողմը խախտել է հրադադարը` նորից կիրառելով 60 մմ տրամաչափի ականանետ։ Համացանցում տարածված լուրերը քիչ առաջ հաստատեց Արցախի պաշտպանության բանակի մամուլի ծառայությունը։

Տեղեկացվում է, որ արձակվել է 4 հատ ական։ Հայկական կողմից տուժածներ չկան։

Այսօր Արցախի ՊԲ–ն հերքել էր Ադրբեջանի պաշտպանության նախարարության տարածած հաղորդագրությունը, թե իբր հայկական ստորաբաժանումները հրաձգային զինատեսակներից կրակել են ադրբեջանական մարտական դիրքերի ուղղությամբ, ինչից հետո իրենք պատասխան կրակ են բացել։