Հայ մարզիկները ոսկե և արծաթե մեդալներ են նվաճել մարմնամարզության աշխարհի գավաթում

ԵՐԵՎԱՆ, 4 մարտի – Sputnik. Դոհայում անցկացվող մարմնամարզության աշխարհի գավաթում Հայաստանի մարմնամարզության հավաքականի անդամ Վահագն Դավթյանը դարձավ ոսկե, իսկ Արթուր Ավետիսյանը` արծաթե մեդալակիր։ Տեղեկությունը հայտնում է Հայաստանի մարմնամարզության ֆեդերացիան։

Նշվում է, որ Հարություն Մերդինյանն էլ բրոնզ է նվաճել։

Հայաստանի ներկայացուցիչներ Վահագն Դավթյանն ու Արթուր Ավետիսյանը եզրափակիչ էին դուրս եկել օղակների վարժությունից, իսկ Հարություն Մերդինյանը լավագույն արդյունքն էր ցույց տվել նժույգթափերում:

Դոհայում աշխարհի գավաթի խաղարկությունը կտևի մինչև մարտի 6-ը: