ԵՐԵՎԱՆ, 26 փետրվարի - Sputnik. ՀՀ տարածքում կան փակ ավտոճանապարհներ, որոշ վայրերում ձյուն է գալիս։ Այս մասին հայտնում է ՀՀ արտակարգ իրավիճակների նախարարությունը։
«Սյունիքի մարզի «Մեղրու սար» կոչվող հատվածում, Քաջարան քաղաքում, Սիսիան-Գորայք ավտոճանապարհին, Վայոց Ձորի մարզի Սարավան-«Զանգեր» ճանապարհահատվածում, Ջերմուկ և Գեղարքունիքի մարզի Վարդենիս քաղաքներում ձյունէ տեղում»,–ասվում է հաղորդագրության մեջ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները:
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար։
Վարորդներին խորհուրդ է տրվում երթևեկել բացառապես ձմեռային անվադողերով։