ՌԴ ԱԴԾ-ն ահաբեկչություն է կանխել Ղրիմի ուղղափառ եկեղեցում։ Ձերբակալվել են Ռուսաստանի վեց քաղաքացիներ, որոնք «Աջ սեկտոր» ուկրաինական ծայրահեղական կազմակերպության կողմնակիցներ են: Տեղեկությունը հայտնում են ՌԴ ԱԴԾ-ից:
Խուզարկությունների ընթացքում ձերբակալվածներից մեկի մոտ հայտնաբերվել են ինքնաշեն պայթուցիկ սարքի բաղադրիչներ, նաև նամակագրություն «Աջ սեկտորի» ծրագրերով ու խորհրդանիշներով:
«Ձերբակալվածներից մեկի ավտոտնակում առգրավվել են պայթուցիկ սարք պատրաստելու բաղադրիչներ՝ խոցող տարրերով, ու պայթուցիկ նյութեր։ Արմատականների կապի միջոցներում հայտնաբերվել են դրանց պատրաստման հրահանգները, ծրագրվող ահաբեկչության քննարկման նամակագրությունը ինչպես նաև նամակագրություն, որը հաստատում է ձերբակալվածների մասնակցությունը համացանցում արմատական գաղափարախոսության քարոզչությանը: Բացի այդ, նրանց բնակության հասցեներում առգրավվել են «Աջ սեկտորի» խորհրդանիշները», - նշված է հաղորդագրության մեջ:
Ձերբակալվածների նկատմամբ համապատասխան դատավարական որոշումներ կընդունվեն: