Փետրվարի 16-ին մի քանի տասնյակ քաղաքացիներ հավաքվել էին ՄԱԿ-ի երևանյան գրասենյակի մոտ՝ պահանջելով կանխել Արցախի օկուպացված տարածքներում հայկական մշակութային ժառանգության ոչնչացումն ու կեղծումը։
Ցուցարարները եկել էին պաստառներով և պատմամշակութային վայրերի լուսանկարներով, որոնք այժմ ենթարկվում են վանդալիզմի:
Ցուցարարները պատրաստվում են ՄԱԿ ներկայացուցիչների հետ հանդիպման։
Փետրվարի 18-ին վարորդները կրկին հավաքվել էին ԱՊՊԱ-ի գների բարձրացման դեմ բողոքելու։
2022 թվականի հունվարի կեսերին Հայաստանի ավտոապահովագրողների բյուրոն որոշեց վերանայել ապահովագրության արժեքի հաշվարկման համակարգը։
«Մենք գիտենք, որ ամբողջ աշխարհում, այդ թվում՝ Հայաստանում, տնտեսական ճգնաժամ է, բայց դա չի նշանակում, որ բոլոր սակագները պետք է բարձրացվեն»,- նշեց վարորդ-ցուցարարներից մեկը։
«Այբ» դպրոցի 12-րդ դասարանցիներ Նանե Ենգիբարյանը և Իլյա Լալազարյանը հասել են «Երկրի մրցանակը» միջազգային բնապահպանական մրցույթի եզրափակիչ իրենց RenéMask վերամշակման նախագծով։
Գեղասահորդներ Թինա Կարապետյանը և Սիմոն Պրու-Սենեկալը XXIV ձմեռային Օլիմպիական խաղերում կատարեցին գեղասահքի իրենց ծրագիրը։
Նրանք մարզվում են Կանադայում աշխարհի լավագույն մարզիչներից մեկի մոտ և ունեն չմուշկներով սահելու իրենց ոճը:
Հայաստանը ներկայացնող զույգը, թեև չհայտնվեց մրցանակակիրների մեջ, այնուամենայնիվ ցույց տվեց լավագույն արդյունքը հայկական գեղասահքի պատմության մեջ։
Լուսանկարիչ, նկարիչ և գրաֆիտի-արտիստ Արեգ Բալայանը ցուցադրում է իր հանրահայտ «բլոճիկներից» բաղկացած գիրքը։
Արեգը հայտնի է նախևառաջ Արցախում արված իր ռազմական լուսանկարներով, բայց և նրան գիտեն որպես ամբողջ Հայաստանի ու Արցախի բազմազան պատերի վրա «բլոճիկներ» նկարող։
Անի Հակոբյանը գրքերի տեսքով բրոշներ ու զարդեր է պատրաստում։
Այս եռագույն բրոշը հետաքրքիր նվեր կարող է լինել գրքասերների համար։