Սևծովյան նավատորմի նավերը մշակել են հրետանային մարտ վարելուն, պայմանական հակառակորդի սուզանավերի որոնմանը և ոչնչացմանն ուղղված, ինչպես նաև ծովային անցումներում գտնվող նավերի ջոկատի ՀՕՊ գործողություններ Սև ծովում մեկնարկած վարժանքների շրջանակում։
Բացի ծովում մարտավարական մանևրումներից, նավերի անձնակազմերը մշակել են Ղրիմի թերակղզու ափի, նավատորմի ուժերի տեղակայման կետերի, ինչպես նաև ծովային հաղորդակցությունների և ծովային տնտեսական գործունեության շրջանների պաշտպանության գործողություններ։
Վարժանքներին ներգրավված է Ռուսաստանի Սևծովյան և այլ նավատորմերի տարբեր դասերի ավելի քան 30 մարտական նավ` ֆրեգատներ, պարեկային նավեր, փոքր հրթիռային նավեր և հրթիռային մոտորանավակներ, դեսանտային նավեր, փոքր հականավային նավեր, ինչպես նաև հակաականային պաշտպանության նավեր։
Ռազմածովային ուժերի, ռազմածովային ավիացիայի և Սևծովյան նավատորմի առափնյա զորքերի ստորաբաժանումների վարժանքները անցկացվում են խոշոր ռազմածովային զորավարժություններին նախապատրաստվելու շրջանակում` Ռազմածովային նավատորմի գլխավոր հրամանատարի ընդհանուր ղեկավարության ներքո։