Մահացել է դերասանուհի Զինաիդա Կիրիենկոն

ԵՐԵՎԱՆ, 12 փետրվարի – Sputnik. 88 տարեկան հասակում մահացել է ռուս դերասանուհի, ԽՍՀՄ ժողովրդական արտիստ Զինաիդա Կիրիենկոն։ Տեղեկությունը հայտնել են Ռուսաստանի կինեմատոգրաֆիստների միությունից։

Ավելի վաղ դրասանուհու որդին հայտնել էր, որ մոր վիճակը լավ չէ։

Փետրվարի 10-ին հայտնի է դարձել, որ դերասանուհուն հոսպիտալացրել են. պատճառը կորոնավիրուսի «Օմիկրոն» շտամն է։ Մահվան պատճառ է դարձել հեմոռագիկ ինսուլտը։

Զինաիդա Կիրիենկոն ծնվել է 1933 թվականի հուլիսի 9–ին։

1958 թվականին ավարտել է կինեմատոգրաֆիայի համամիութենական պետական ինստիտուտը։

Խաղացել է Պուշկինի անվան և Մոսկվայի դրամատիկական թատրոններում, իսկ 1961 թվականին տեղափոխվել է Կինոդերասանի թատրոն–ստուդիա։

Դերասանուհին խաղացել է «Հանգիստ հոսում է Դոնը», «Տղամարդու ճակատագիրը», «Երկու կապիտան», «Կազակներ» և շատ այլ ֆիլմերում։