ԵՐԵՎԱՆ, 13 հունվարի – Sputnik. Տավուշի մարզի Գոշ գյուղում վագոն–տնակ է այրվել, 66–ամյա տանտերը մահացել է։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` այսօր` հունվարի 13-ին, ժամը 19։37-ին Տավուշի մարզային ճգնաժամային կառավարման կենտրոն ահազանգ է ստացվել, որ Գոշ գյուղում այրվում է վագոն-տնակ։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրդեհը մեկուսացվել է ժամը 20։38-ին։
Ներսում հայտնաբերվել է Ա․ Ս․-ի դին (ծնված 1956 թ)։