Ձյուն, մառախուղ, ջերմաստիճանի նվազում է սպասվում. եղանակի տեսություն

ԵՐԵՎԱՆ, 13 հունվարի – Sputnik. Հայաստանի Հանրապետության տարածքում այսօր և վաղը շրջանների զգալի մասում սպասվում են տեղումներ և մառախուղ։ Տեղեկությունը հայտնում է ՀՀ ԱԻՆ մամուլի ծառայությունը։

Այսօր լեռնային և նախալեռնային շրջաններում, վաղը` հանրապետության բոլոր հատվածներում, ձյուն կգա: Հունվարի 15-17-ը սպասվում է առանց տեղումների եղանակ:

Հաղորդագրության համաձայն` քամին կլինի արևմտյան` 2-5 մ/վ արագությամբ:

Օդի ջերմաստիճանը 14-15-ն աստիճանաբար կնվազի 10-12 աստիճանով: