Թուրքիայի ֆուտբոլի հավաքականի նախկին պաշտպանը վթարի զոհ է դարձել

ԵՐԵՎԱՆ, 11 հունվարի - Sputnik. Թուրքիայի հավաքականի նախկին ֆուտբոլիստ, «Կոնյասպոր» ֆուտբոլային ակումբի պաշտպան Ահմեթ Չալըքը մահացել է ավտովթարի հետևանքով: Տեղեկությունը հայտնում է Թուրքիայի ֆուտբոլի ֆեդերացիան։

27-ամյա մարզիկի մասնակցությամբ վթարը տեղի է ունեցել Անկարա–Նիղդե ճանապարհահատվածում։

Չալըքը Թուրքիայի հավաքականի կազմում մասնակցել է 8 հանդիպման, խփել է մեկ գոլ։