ԵՐԵՎԱՆ, 11 հունվարի – Sputnik. Կենտրոնական բանկի նախագահի տեղակալի թափուր տեղի համար «Քաղաքացիական պայմանագիր» խմբակցությունն առաջադրել է Հովհաննես Վահանի Խաչատրյանի թեկնածությունը։ Տեղեկությունն այսօր ԱԺ Ֆինանսավարկային և բյուջետային հարցերի մշտական հանձնաժողովի նիստում հայտնեց հանձնաժողովի նախագահ Գևորգ Պապոյանը։
11 հունվարի 2022, 11:39
Նա նշեց, որ Խաչատրյանն ավարտել է Տնտեսագիտական համալսարանը, ապա սովորել կառավարման ակադեմիայում, Չիկագոյի համալսարանի բիզնես դպրոցում, Հարվարդի բիզնես դպրոցի կոնֆլիկտների կառավարման խմբում։
Խաչատրյանը ստացել է ֆինանսական վերլուծաբանի որակավորում։ Աշխատել է ԿԲ–ում, 2020թ–ի հուլիսից ԿԲ խորհրդի անդամ է։ Անկուսակցական է, ամուսնացած, երկու երեխաների հայր։
ԿԲ նախագահի թեկնածուի ընտրությունը կկատարվի առաջիկայում ԱԺ լիագումար նիստում։