ԵՐԵՎԱՆ, 11 հունվարի – Sputnik. Երևանի «Էրեբունի» բժշկական կենտրոնը ներկայացրել է 2021 թվականին իրենց ծննդատան վիճակագրական տվյալները։
Կենտրոնից տեղեկացնում են, որ Հայաստանում ամենաշատ երեխաները ծնվում են հենց «Էրեբունի» ԲԿ ծննդատանը:
ԲԿ–ի մամուլի ծառայությունը հայտնում է, որ անցած տարում իրենց մոտ ծնվել է 5400 երեխա` 2619 աղջիկ, 2781 տղա։
Նրանց մեջ 119 զույգ ու եռյակ կա։
Վիճակագրական տվյալների համաձայն` 2021 թվականի հունվար–նոյեմբեր ամիսներին Հայաստանում ծնվել է 33 հազար 587 երեխա։