ԵՐԵՎԱՆ, 11 հունվարի – Sputnik. «Ազատ կամք» նախաձեռնությունը շտապ հանրահավաք է հրավիրել նոր սահմանափակումների հաղթահարման թեմայով։ Facebook- ում նման հայտարարություն է արել Փաստաբանների պալատի նախկին նախագահ Արա Զոհրաբյանը։
Արդեն տեղեկացրել ենք, որ 2022 թվականի հունվարի 22-ից, ՀՀ առողջապահության նախարարության որոշմամբ, հանրային սննդի օբյեկտներ, հյուրանոցներ, մարզադահլիճներ, գրադարաններ, թանգարաններ, թատրոններ, ինչպես նաև մշակութային գործունեություն իրականացնող այլ կազմակերպություններ մուտքը կթույլատրվի միայն ամբողջությամբ պատվաստված քաղաքացիներին կամ նրանց, ովքեր 72 ժամից ոչ ավելի կատարված ՊՇՌ-թեստի բացասական արդյունքների մասին տեղեկանք կտրամադրեն:
«Հիմք ընդունելով «Հավաքների ազատության մասին» օրենքի 27-րդ հոդվածի պահանջը, սույնով տեղեկացնում ենք ձեզ, որ 2022թ. հունվարի 17-ին, ժամը 16:00-ին, տեղի է ունենալու խաղաղ շտապ հավաք՝ ՀՀ առողջապահության նախարարության շենքի մոտ (Գարեգին Նժդեհի արձանի մոտ)՝ «Պարտադիր պատվաստումների շրջանակում նոր սահմանափակումները հաղթահարելու» թեմայով»,–ասվում է հայտարարության մեջ:
Հանրահավաքի ժամանակ ելույթ կունենան փաստաբաններ, բժիշկներ և տարբեր ոլորտների մասնագետներ:
Զոհրաբյանը հանրահավաքին մասնակցելու է հրավիրել ռեստորանների, հյուրանոցների, մարզասրահների, թանգարանների, թատրոնների, գրադարանների աշխատակիցներին, ինչպես նաև բոլոր շահագրգիռ քաղաքացիներին:
Հիշեցնենք, որ «Ազատ կամք» նախաձեռնությունը դեմ է պատվաստման պարտադրանքին: