ԵՐԵՎԱՆ, 9 հունվարի – Sputnik. Այսօր, վաղը գիշերը և հունվարի 11-ին Հայաստանում սպասվում է առանց տեղումների եղանակ: Տեղեկությունը հայտնում է ՀՀ արտակարգ իրավիճակների նախարարությունը։
Հունվարի 10-ին կեսօրից հետո, 13-ին շրջանների զգալի մասում սպասվում են տեղումներ, 12-ի երեկոյան ժամերին առանձին շրջաններում` թույլ տեղումներ, լեռնային շրջաններում` ձյան տեսքով:
«Օդի ջերմաստիճանը հունվարի 11-ի գիշերը կբարձրանա 3-5 աստիճանով»,– նշված է հաղորդագրության մեջ:
Այսօր Երևանում ցերեկային ժամերին կգրանցվի 6-8 աստիճան տաքություն, գիշերը` 4-6 աստիճան ցուրտ։