Վերջին օրերին Ալմաթիում իրավիճակը համեմատաբար խաղաղվել էր, սակայն այսօր քաղաքում կրկին կրակոցներ են հնչել։
Sputnik Ղազախստանի մեր գործընկերների հրապարակած կադրերում հստակ լսվում են կրակոցների ձայները, սակայն պարզ չէ, թե ովքեր և ինչ զենքից են կրակում։
Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։
Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։
ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, որոնց թվում 100 զինծառայող կա Հայաստանից։