Բելառուսի Վիտեբսկի մարզում ռուսաստանցիներով զբոսաշրջային ավտոբուսը բախվել է թեթև մարդատարին, հայտնում է Բելառուսի քննչական կոմիտեն։
Բելառուսի ՔԿ–ի տվյալներով` ՃՏՊ–ն տեղի է ունեցել Մ-8 ավտոճանապարհի 120–րդ կմ–ի վրա։ Renault–ի վարորդը վազանց է կատարել և դուրս եկել հանդիպակաց գոտի, որտեղ բախվել է էքսկուրսիոն ավտոբուսին։
«ՃՏՊ–ի հետևանքով թեթև մարդատարի վարորդը մահացել է, ավտոբուսի ուղևորներն ու վարորդը հիվանդանոց են տեղափոխվել տարբեր աստիճանի մարմնական վնասվածքներով», – ասվում է հաղորդագրության մեջ։
ՌԻԱ Նովոստիին Մինսկում ՌԴ դեսպանատնից հայտնել են, որ նախնական տվյալներով` 41 ռուսաստանցի է տուժել, նրանցից 6–ի վիճակը ծանր է։
Քկ–ից հավելել են, որ տուժածների թվում 4 երեխա կա։ Ավտոբուսում ընդհանուր առմամբ 42 մարդ է եղել, նրանցից 40-ը եղել են էքսկուրսիայի եկած ռուսաստանցիներ։
Բելառուսի ՆԳՆ–ից նշել են, որ վթարը տեղի է ունեցել ժամը 14։00-ի սահմաններում։ ՃՏՊ–ի հետևանքով Վիտեբսկ մեկնող «Սքանիք» մակնիշի զբոսաշրջային ավտոբուսը կողաշրջվել է։ Renault–ի զոհված վարորդը Կրիչևի (Մոգիլյովի մարզ) 31-ամյա բնակիչ է։