ԵՐԵՎԱՆ, 3 հունվարի – Sputnik. Եղիսաբեթ II թագուհու որդին` արքայազն Էնդրյուն, կարող է զրկվել թագավորական տիտղոսն օգտագործելու իր իրավունքից, եթե պարտվի բռնաբարության մասին դատական գործում։ Այս մասին գրում է Times թերթը։
ԻրավապաշտպանՎիրջինիա Ջուֆրեն Մանհեթենի դաշնային դատարան հայց է ներկայացրել` արքայազն Էնդրյուին մեղադրելով իրեն 17 տարեկան հասակում բռնաբարելու մեջ։
Պարբերականի աղբյուրների տվյալներով` պալատականները քննարկում են այն հարցը, թե ինչ պետք է անի Էնդրյուն, եթե պարտվի այս գործով: Նրանք մտադիր են խնդրել արքայազնին դադարել օգտվել իր տիտղոսից։
«Արքայազն Էնդրյուին կարող են խնդրել նաև հրաժարվել բարեգործական կազմակերպությունների հետ ունեցած կապերից։ Նրան, այսպես կոչված, «ներքին աքսորի» կուղարկեն», – գրում է թերթը։
Արքայազնին հավերժ աքսոր է սպառնում. նա հնարավորություն չի ունենա լքելու Մեծ Բրիտանիան ԱՄՆ արտահանձնվելու սպառնալիքի պատճառով, համեստ կյանք կվարի «Ռոյալ լոջից» դուրս` Վինձորի պալատի հարևանությամբ։ Նա պետք է հրաժարվի նաև զինվորական կոչումից։
Ջուֆրեն ամենահայտնի կանանցից մեկն է, ով մեղադրեց ֆինանսիստ Ջեֆրի Էփսթինին, և նրան քրեական պատասխանատվության ենթարկեցին անչափահասների առևտրով զբաղվելու համար։
Բրիտանացի արքայազնի դեմ նրա հայցում ասվում է, որ Էնդրյուն իր կամքին հակառակ` Լոնդոնում սեռական ոտնձգություն է իրականացրել, իսկ ֆինանսիստը հիշատակվել է այն անձանց շարքում, որոնք նրան սեռական ակտի են դրդել։
Արքայազն Էնդրյուն ավելի վաղ հայտարարել էր, որ Ջուֆրեի հետ սեռական կապ չի ունեցել։