ԵՐԵՎԱՆ, 30 դեկտեմբերի – Sputnik. Այսօր Հայաստանի տարածքում տեղումներ չեն գրանցվի։ Տեղեկությունը հայտնում է Հիդրոօդերևութաբանության և մոնիթորինգի կենտրոնը։
Լեռնային և նախալեռնային շրջաններում ճանապարհներին մերկասառույցը կպահպանվի:
«Օդի ջերմաստիճանն էապես չի փոխվի»,– նշված է հաղորդագրության մեջ։
Ըստ օդերևութաբանների` այսօր ամենատաքը կլինի Լոռիում (+4-ից +8), գրեթե նույն ջերմաստիճանը կգրանցվի Սյունիքում (+3-ից +7)։ Ամենացուրտը կլինի Շիրակում (0-ից -5)։
Երևանում ցերեկային ժամերին կգրանցվի 1-3 աստիճան տաքություն, գիշերը` 9-11 աստիճան ցուրտ։