ԵՐԵՎԱՆ, 24 դեկտեմբերի – Sputnik. Հայաստանի վարչապետ Նիկոլ Փաշինյանն առցանց ասուլիսի ժամանակ խոսեց ԱԺ նախագահ Ալեն Սիմոնյանի համար 90 մլն դրամ արժողությամբ ծառայողական մեքենա գնելու մասին։
«Ես էլ էի ասում, որ ինձ նոր մեքենա պետք չի։ Բայց հետո եկան, ցույց տվեցին` պարոն վարչապետ, արդեն 35 միլիոն դրամի ծախս ենք արել էս մեքենայի վրա, ամեն օր ինքը փչանում ա։ Եկեք նոր մեքենա առնենք ու էդպես տարիների մեջ կշահենք։ Նույնն էլ ԱԺ նախագահի մեքենայի դեպքում էր՝ հին մեքենայի սպասարկման ծախսերը շատ մեծ էին։ Հայտնի խոսք կա՝ ես էդքան հարուստ չեմ, որ էժան ապրանք առնեմ ու ամեն տարի փոխեմ»,– ասաց Փաշինյանը։
Հիշեցնենք` նոյեմբերի 25-ին կառավարությունը չզեկուցվող հարցերի փաթեթի շրջանակում ընդունեց Ազգային ժողովի նախագահի համար 90 մլն դրամ արժողությամբ BMW 750Li xDrive LCI դասի մեքենա ձեռք բերելու հարցը։ Որոշումը խիստ քննադատության արժանացավ հանրության կողմից։