Հայտնի են 2021թ-ի Հայաստանի 10 լավագույն մարզիկների անունները. ովքե՞ր են նրանք

ԵՐԵՎԱՆ, 21 դեկտեմբերի – Sputnik. ՀՀ կրթության, գիտության, մշակույթի և սպորտի նախարարությունն անցկացրել է 2021 թ. «Տարվա 10 լավագույն մարզիկներ» մրցույթի քվեարկությունը։ Հայտնի է, թե ովքեր են համարվում անցնող տարվա լավագույն մարզիկները ոչ թիմային մարզաձևերում։

Լավագույն տասնյակում ընդգրկված մարզիկներից երեքը ներկայացնում են ծանրամարտը, հունահռոմեական ոճի ըմբշամարտը, երկուսը` բռնցքամարտը, մեկական ներկայացուցիչ էլ կա շախմատից, ազատ ոճի ըմբշամարտից և սպորտային մարմնամարզությունից։

Այսպիսով` 2021 թվականի Հայաստանի տասը լավագույն մարզիկներն են`

Սիմոն Մարտիրոսյան – ծանրամարտ

Գոռ Մինասյան – ծանրամարտ

Վարազդատ Լալայան – ծանրամարտ

Արթուր Ալեքսանյան – հունահռոմեական ոճի ըմբշամարտ

Մալխաս Ամոյան – հունահռոմեական ոճի ըմբշամարտ

Հովհաննես Բաչկով – բռնցքամարտ

Դավիթ Չալոյան – բռնցքամարտ

Էլինա Դանիելյան –շախմատ

Արսեն Հարությունյան – ազատ ոճի ըմբշամարտ

Արթուր Դավթյան – սպորտային մարմնամարզություն

2021 թվականի «Հանդիսատեսի համակրանք» անվանակարգում էլ SMS քվեարկության արդյունքում հաղթող է ճանաչվել հունահռոմեական ոճի ըմբշամարտի Եվրոպայի Մ23 տարեկանների և աշխարհի չեմպիոն Մալխաս Ամոյանը։

Նշենք, որ լավագույն մարզիկների տասնյակում ընդգրկվելու համար ՀՀ ԿԳՄՍ-ի կողմից հրապարակվել էր 22 մարզիկներից բաղկացած ցուցակ։ Տասնյակի թեկնածու մարզիկները ներկայացնում էին յոթ մարզաձև։ Թիմային մարզաձևերի ներկայացուցիչներ ցուցակում չկային։ Տարվա 10 լավագույն մարզիկների ընտրությունը վերոհիշյալ ցանկից կատարել են ՀՀ հավաքականների գլխավոր մարզիչներն ու նախարարությունում հավատարմագրված մարզական լրագրողները: