Ռուսաստանի Յարոսլավլի մարզում երեխաներին տեղափոխող ավտոբուս է վթարի ենթարկվել։ Տեղեկությունը հայտնում է ՌԻԱ Նովոստին։
Նշվում է, որ ավտոբուսում 14 երեխա է եղել՝ 10-12 տարեկան, և 6 մեծահասակ, նրանք մեկնել են սպորտային մրցույթի։
Վերջին տվյալներով՝ վթարի հետևանքով վարորդի ձեռքն է կոտրվել, մարզիկներից 12-ը կապտուկներ ու քերծվածքներ են ստացել։ Նրանք բուժզննում են անցել, բայց չեն հոսպիտալացվել։ Մյուս երկու երեխաները գլխի վնասվածքներով տեղափոխվել են մարզային մանկական հիվանդանոց։
Ըստ նախնական վարկածի՝ վթարը տեղի է ունեցել Ռոստովի մարզի Խոլմոգորի մայրուղու 193-րդ կիլոմետրում, պատճառը եղել է այն, որ դիմացից ընթացող բեռնատարից անջատվել է կցորդիչը, որի միջից գերաններ են թափվել։