ԵՐԵՎԱՆ, 15 դեկտեմբերի – Sputnik. Նրանք, ովքեր կցանկանան հունվար 2-ին և 7-ին Արցախից Եռաբլուր այցելել, կկարողանան օգտվել անվճար ավտոբուսներից։ Տեղեկությունը հայտնում է Արցախի պետական նախարար Արտակ Բեգլարյանը։
«Հաշվի առնելով առաջիկա մեռելոցը և ժողովրդի մոտ ընդունված սովորույթը՝ ԱՀ կառավարությունն անվճար ավտոբուսներ է ապահովելու զոհվածների հարազատների համար, որպեսզի հունվարի 7-ին և/կամ 2-ին կարողանան Արցախից այցելեն Եռաբլուր ու վերադառնան»,– Facebook–ի իր էջում գրել է Բեգլարյանը։
Նա ընդգծել է, որ բոլոր ցանկացողները նախօրոք գրանցվելու համար պետք է մինչև դեկտեմբերի 29-ը զանգահարեն ԱՀ նախագահի աշխատակազմի թեժ գծին (119, 047119119):
Հիշեցնենք` ՀՀ ՔԿ պաշտոնական տվյալներով` Արցախյան 44–օրյա պատերազմի հետևանքով Արցախում և ՀՀ-ում զոհված զինծառայողների և քաղաքացիական անձանց ընդհանուր թիվը 3788 է։