Երևանի քաղաքապետարանը կրկին անօրինական շինություններ է ապամոնտաժել։ Տեղեկությունը Facebook–ի էջում հայտնում է Երևանի քաղաքապետարանի մամուլի ծառայությունը։
«Դեկտեմբերի 14-ին համայնքային սեփականություն հանդիսացող հողամասեր են ազատվել Աջափնյակ և Մալաթիա-Սեբաստիա վարչական շրջաններում»,–նշված է հաղորդագրության մեջ։
Ապօրինի շինությունները հատուկ տեխնիկայի միջոցով քանդվում են մայրաքաղաքի բոլոր վարչական շրջաններում։