ԵՐԵՎԱՆ, 15 դեկտեմբերի – Sputnik. Այսօր և վաղը Հայաստանում առանց տեղումների եղանակ է սպասվում: Տեղեկությունը հայտնում է Հիդրոօդերևութաբանության և մոնիթորինգի կենտրոնը։
«Արարատյան դաշտում առավոտյան ժամերին հնարավոր է մառախուղ: Դեկտեմբերի 17-ին կեսօրից հետո, 18-ին առանձին շրջաններում սպասվում են տեղումներ: Օդի ջերմաստիճանն էապես չի փոխվի»,– նշված է հաղորդագրության մեջ։
Ըստ օդերևութաբանների` այսօր ամենատաքը կլինի Սյունիքում (+10-ից +14), ամենացուրտը` Շիրակում (0-ից +4):
Երևանում ցերեկային ժամերին կգրանցվի 7-9 աստիճան տաքություն, գիշերը` 2–4 աստիճան ցուրտ։