ԵՐԵՎԱՆ, 5 դեկտեմբերի - Sputnik. Այսօր ժամը 16։38-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Օրբելու փողոցի թիվ 65 շենքի բնակարաններից մեկում։ Տեղեկությունը հայտնում են ՀՀ արտակարգ իրավիճակների նախարարությունից։
Հրդեհ ու փլուզում՝ Երևանի Օրբելու փողոցում
© Photo : official site of MES of RA
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և Ճգնաժամային կառավարման ազգային կենտրոնի օպերատիվ խումբը:
Հրդեհ ու փլուզում՝ Երևանի Օրբելու փողոցում
© Photo : official site of MES of RA
Պարզվել է, որ նաև փլուզվել է բնակարանի խոհանոցի պատը (10 քմ). տուժածներ չկան։
Հրդեհը մեկուսացվել է ժամը 17։21-ին, մարվել՝ 17։43-ին։ Հյուրասենյակում այրվել է գույք (2 քմ)։