Այս ժամանակներում ֆիլմում ասած ձեր միտքը հնչում է այլ ուժգնությամբ. Դումանյանը` Նամինին

ԿԳՄՍ նախարար Վահրամ Դումանյանն ընդունել է հայազգի կոմպոզիտոր, գեղանկարիչ, լուսանկարիչ, ռեժիսոր, պրոդյուսեր Ստաս Նամինին
Դումանյանը հատկապես կարևորել է Հայաստանում Ռուսաստանի և Ռուսաստանում Հայաստանի մշակութային օրերի անցկացումը:
Sputnik
ԵՐԵՎԱՆ, 30 նոյեմբերի – Sputnik. Հայաստանում գտնվող հայազգի կոմպոզիտոր, գեղանկարիչ, լուսանկարիչ, ռեժիսոր, պրոդյուսեր Ստաս Նամինին այսօր ընդունել է ԿԳՄՍ նախարար Վահրամ Դումանյանը։ Տեղեկությունը հայտնում է նախարարությունը` հավելելով, որ Դումանյանն իր հիացմունքն է հայտնել նրա տաղանդի բազմակողմանիության վերաբերյալ։

«Մտքի ու նրբաճաշակության արտահայտություններ են նաև ձեր վավերագրական ֆիլմերը, որոնց շարքում մեզ՝ հայերիս համար, թանկ է հատկապես «Հայաստանի հնագույն տաճարները» ֆիլմը։ Եվ ֆիլմում հայտնած ձեր այն միտքը, որ չնայած Հայաստանն այժմ փոքր է, բայց և այնպես` հավերժորեն մնում է ժողովրդի անհաղթահարելի ոգին, այսօր՝ մեր բարդ ժամանակներում, հնչում է այլ ուժգնությամբ»,–ասել է Դումանյանը։

Ստաս Նամինը հույս է հայտնել, որ Հայաստանի հետ կապերը կամրապնդվեն և փոխադարձ հարաբերությունները կզարգանան նոր ուղով:
«Սա քաղաքականության հարց չէ». Ստաս Նամինը` նոր ֆիլմի և որդու հետ Արցախ մեկնելու մասին
Մշակութային կապերի ամրապնդման համատեքստում Դումանյանը հատկապես կարևորել է Հայաստանում Ռուսաստանի և Ռուսաստանում Հայաստանի մշակութային օրերի անցկացումը:
1 / 3

ԿԳՄՍ նախարար Վահրամ Դումանյանն ընդունել է հայազգի կոմպոզիտոր, գեղանկարիչ, լուսանկարիչ, ռեժիսոր, պրոդյուսեր Ստաս Նամինին

2 / 3

ԿԳՄՍ նախարար Վահրամ Դումանյանն ընդունել է հայազգի կոմպոզիտոր, գեղանկարիչ, լուսանկարիչ, ռեժիսոր, պրոդյուսեր Ստաս Նամինին

3 / 3

ԿԳՄՍ նախարար Վահրամ Դումանյանն ընդունել է հայազգի կոմպոզիտոր, գեղանկարիչ, լուսանկարիչ, ռեժիսոր, պրոդյուսեր Ստաս Նամինին

Հիշեցնենք, որ Նամինն այսօր Sputnik Արմենիա մուլտիմեդիոն մամուլի կենտրոնում մամուլի ասուլիսով էր հանդես եկել։
Հայաստանի ազգային ֆիլհարմոնիկ նվագախումբը աշնան վերջին օրը կնվագի ռուս երաժիշտ ու կոմպոզիտոր Ստաս Նամինի սիմֆոնիկ ստեղծագործությունները:
Նամինն այս տարի նշում է 70-ամյա հոբելյանը: