ԵՐԵՎԱՆ, 25 նոյեմբերի – Sputnik. Կուզբասի «Լիստվյաժնայա» հանքում, որտեղ առավոտյան փլուզում էր տեղի ունեցել, փրկարարների մարմիններ են հայտնաբերել։ Տեղեկությունը ՌԻԱ Նովոստիին հայտնել են փրկարար ծառայությունից։
«Հայտնաբերվել են երեք լեռնափրկարարների մարմինները»,-ասել է գործակալության զրուցակիցը։
Այն մասին, որ տուժածներին որոնող ջոկատը ժամը 15:00-ի սահմաններում դադարել է կապի դուրս գալ, ավելի վաղ հայտնել էին ԱԻՆ-ից:
Այսօր` ժամը 08:30-ի սահմաններում, Բելովոյում գտնվող ձեռնարկությունում բռնկում է տեղի ունեցել։
Արտակարգ պատահարի պահին գետնի տակ գտնվել է 285 մարդ, մեծ մասին դուրս են բերել մակերևույթ։ Ըստ վերջին տվյալների՝ զոհվել է 11 հանքափոր, տուժել են 60-ը, նրանցից 37-ին տեղափոխել են հիվանդանոց։