ԵՐԵՎԱՆ, 24 նոյեմբերի – Sputnik. Թեհրանում ընթացող Բանակայինների աշխարհի 35-րդ առաջնությանը Հայաստանի ազատ ոճի ըմբիշները մրցավայր էին մեկնել 8 ըմբիշով և նվաճել են 8 մեդալ՝ 1 ոսկե, 2 արծաթե և 5 բրոնզե։ Մեր ընտրանին զբաղեցրել է թիմային 3-րդ տեղը։ Տեղեկությունը հայտնում է Հայաստանի ըմբշամարտի ֆեդերացիան։
«Թիմայինհաջողություն է գրանցել նաև հունահռոմեական ոճի ըմբշամարտի մեր հավաքականը՝ նվաճած 5 մեդալով։ Նրանք նվաճել են 2 ոսկե, 2 արծաթե և 1 բրոնզե մեդալ»,–նշված է հաղորդագրության մեջ։
Հանրագումարում մեր ըմբիշները նվաճել են 13 մեդալ, որը գերազանց արդյունք է։
Այսպիսով, Իրանի Իսլամական Հանրապետության մայրաքաղաք Թեհրանում ընթացող առաջնությունն ավարտվել է։ Աշխարհի առաջնությունը մասնակցում էին 21 երկրի 300 մարզիկ։
Հիշեցնենք, որ ոսկե մեդալ են նվաճել հունահռոմեական ոճի ըմբիշներ Գևորգ Թադևոսյանը և Կարեն Ասլանյանը: Իսկ ազատ ոճայիններից չեմպոնի կոչումը նվաճել էր Արման Անդրիասյանը: