Միշուստինը հորդորել է արագացնել ծառայությունների առևտրի մասին համաձայնագրի ստորագրումը

ՌԴ վարչապետը փաստել է, որ համավարակից հետո ԱՊՀ–ում առևտուրն աստիճանաբար վերականգնվում է։
Sputnik
ԵՐԵՎԱՆ, 12 նոյեմբերի – Sputnik. ՌԴ կառավարության ղեկավար Միխայիլ Միշուստինը ԱՊՀ երկրներին կոչ է արել արագացնել ծառայությունների ազատ վաճառքի մասին համաձայնագրի ստորագրումը։
Առցանց ռեժիմում ելույթ ունենալով ԱՊՀ կառավարության ղեկավարների նիստին՝ ՌԴ վարչապետը հայտարարել է, որ ծառայությունների ազատ վաճառքի մասին համաձայնագիրը էլ ավելի մեծ հնարավորություն կտա տնտեսական փոխգործակցությունն ընդլայնելու համար։ Նրա գնահատմամբ` ծառայություններին բաժին է հասնում ԱՊՀ երկրների համախառն արտադրանքի կեսից ավելին։
Արշակ Կարապետյանը ՌԴ-ում մասնակցել է ԱՊՀ պաշտպանության նախարարների խորհրդի նիստին
«Այս տարի հաջողվել է էական առաջընթաց արձանագրել այդ կարևոր փաստաթղթի համաձայնեցման հարցում.. Անհրաժեշտ է ավարտել բանակցային գործընթացն ու ստորագրման գնալ», – նշել է ՌԴ վարչապետը։
Ընդհանուր առմամբ ԱՊՀ–ում առևտրաշրջանառությանն անդրադառնալով՝ նա հայտնեց, որ կազմակերպության անդամ պետություններին այս տարվա առաջին կիսամյակում հաջողվել է էապես մեծացնել այն։ Ու թեև կորոնավիրուսի համավարակը լուրջ փորձություն է դարձել ԱՊՀ–ի և ամբողջ աշխարհի համար, հանգեցրել գործնական ակտիվության նվազմանը, այնուամենայնիվ Համագործակցության երկրների տնտեսություններն աստիճանաբար վերականգնվում են։
Բաքուն խանգարում է պայմանավորվածությունների իրականացմանը. ՀՀ փոխվարչապետը` ԱՊՀ նիստին
Նա նշել է, որ ընթացիկ տարվա առաջին կիսամյակի ընթացքում համատեղ առևտուրն աճել է շուրջ 27%–ով, իսկ արտաքին առևտրաշրջանառությունը` ավելի քան քառորդ անգամ, ԱՊՀ–ում ՀՆԱ–ի ծավալն ընդհանուր առմամբ ավելացել է շուրջ 4,5%–ով։