_005.JPG#mw-jump-to-license){kind=link}
ԵՐԵՎԱՆ, 10 նոյեմբերի – Sputnik. Լյուքսեմբուրգի խորհրդարանը հայամետ բանաձև է ընդունել։ Տեղեկությունը հայտնում է Նիդերլանդներում ՀՀ դեսպանությունը` ներկայացնելով բանաձևը։
Բանաձևով կոչ է արվում Լյուքսեմբուրգի կառավարությանը՝ չսատարել Ադրբեջանի և Եվրոպական միության միջև համագործակցության խորացմանը մինչև Ադրբեջանում ապօրինաբար պահվող բոլոր հայ ռազմագերիները և քաղաքացիական անձինք չհայրենադարձվեն։
Նշվում է, որ բանաձևն ընդունվել է միաձայն։
Հիշեցնենք, որ սեպտեմբերի 3-ին հայտնի դարձավ, որ ՀՀ-ում Նիդերլանդների Թագավորության արտակարգ և լիազոր դեսպանի խնդրանքով` ՀՀ պաշտպանության նախարար Արշակ Կարապետյանը ներկայացրել է իրավիճակը հայ-ադրբեջանական սահմանին: Կարծիքներ էին փոխանակվել տարածաշրջանային և միջազգային անվտանգային միջավայրի, երկկողմ և բազմակողմ ձևաչափերով համագործակցության հնարավորությունների վերաբերյալ: