ԵՐԵՎԱՆ, 6 նոյեմբերի - Sputnik. Հայաստանի բռնցքամարտի ֆեդերացիան բողոք է ներկայացրել աշխարհի առաջնության եզրափակիչում Դավիթ Չալոյանի ու ռուսաստանցի Մարկ Պետրովսկու մենամարտի արդյունքների վերաբերյալ, տեղեկացնում է ՏԱՍՍ-ը։
Հիշեցնենք, որ քիչ առաջ մրցավարները գերծանր քաշային կարգում հաղթանակ շնորհեցին 22-ամյա Պետրովսկուն։ Վերջինս Ռուսաստանի չեմպիոն է։
Բռնցքամարտի աշխարհի առաջնությունը կավարտվի նոյեմբերի 6-ին։
Հիշեցնենք, որ ավելի վաղ, Հայաստանի բռնցքամարտի ֆեդերացիայի բողոքից հետո, մրցավարական հանձնաժողովը հաղթանակ էր շնորհել աշխարհի առաջնության կիսաեզրափակիչում պարտված Հովհաննես Բաչկովին։
Ավելի ուշ հայտնի դարձավ, որ բռնցամարտի միջազգային ֆեդերացիան մերժել է Հայաստանի բռնցքամարտի ֆեդերացիայի բողոքը։