ԵՐԵՎԱՆ, 2 նոյեմբերի – Sputnik. Այսօր վրաերթ և ավտովթար է տեղի ունեցել Կոտայքի մարզում: Shamshyan.com-ը հայտնում է, որ ժամը 19:00-ի սահմանում «Ford Transit» մակնիշի ավտոմեքենան Աբովյան քաղաքում վրաերթի է ենթարկել հետիոտնի:
Վարորդը փախուստի չի դիմել, սակայն մինչ փորձել է մեկ այլ ավտոմեքենայով վրաերթի ենթարկվածին տեղափոխել հիվանդանոց, դեպի Երևան ընթացող «Mercedes Sprinter» մակնիշի ավտոմեքենան բախվել է վրաերթի վայրում կայանված «Ford Transit»-ին։
Վթարի հետևանքով «Mercedes Sprinter»-ի մեջ գտնվող 7 անձինք տեղափոխվել են հիվանդանոցներ։
Նրանց առաջինը օգնության են հասել վթարի վայրի հարևանությամբ գործող բենզալցակայանի աշխատակիցները, որոնք մինչ բժիշկների գալը անհրաժեշտ օգնություն են ցուցաբերել տուժածներին, իսկ օպերատիվորեն ժամանած «Աբովյան» բժշկական կենտրոնի բժիշկները տեղափոխել են Աբովյանի և Երևանի տարբեր հիվանդանոցներ:
Դեպքի վայրում հավաքված քաղաքացիներն ասել են, որ «Mercedes Sptinter»-ում արտասահմանցիներ են եղել: