ԵՐԵՎԱՆ, 2 նոյեմբերի – Sputnik. Կանայք ավելի զգայուն են եղանակային փոփոխությունների նկատմամբ, քան տղամարդիկ։ ՌԻԱ Նովոստիի հետ զրույցում ասել է Մոսկվայի առողջապահության դեպարտամենտի առաջնային բժշկասանիտարական օգնության գլխավոր մասնագետ Անդրեյ Տյաժելնիկովը։
«Վիճակագրության համաձայն` եղանակի նկատմամբ զգայունությունն առավել հաճախ հանդիպում է կանանց մոտ։ Մասնագետները դա կապում են հորմոնալ համակարգի առանձնահատկությունների հետ։ Առավել հաճախ դրանից տառապում են երիտասարդ աղջիկները», – ասել է Տյաժելնիկովը։
Սակայն, մասնագետի խոսքով, մեծ տարիքում ճնշման տատանումներ են ունենում և՛ կանայք, և՛ տղամարդիկ։