Արագածոտնի մարզպետը հրաժարվել է պաշտոնից

ԵՐԵՎԱՆ, 27 հոկտեմբերի – Sputnik. Արագածոտնի մարզպետ Դավիթ Գևորգյանն ազատման դիմում է ներկայացրել: Sputnik Արմենիայի հետ զրույցում տեղեկությունը հաստատեց Արագածոտնի փոխմարզպետ Տիգրան Եղիազարյանը:

Այլ մանրամասներ նա չհայտնեց։

Նշենք, որ Դավիթ Գևորգյանը մարզպետ էր նշանակվել 2018 թվականի հոկտեմբերի 16-ին: Մինչ այդ զբաղեցնում էր ՀՀ տարածքային կառավարման և զարգացման նախարարի տեղակալի պաշտոնը: Նա «Քաղաքացիական պայմանագիր» կուսակցության անդամ է: