ԵՐԵՎԱՆ, 26 հոկտեմբերի – Sputnik. Հայաստանում տնտեսական ակտիվության ցուցանիշը 2021 թ․-ի 9 ամիսների ընթացքում աճել է 4,4 տոկոսով։ Այս մասին հայտնում է ՀՀ վիճակագրականկոմիտեն։
Ինչպես և նախորդ ամիսներին, հիմնականում աճել են շինարարությունն ու առևտուրը, որտեղ պահանջարկն ու ծրագրերը նախորդ տարի մասնակիորեն հետաձգվել էին (այդ երկու ոլորտներն աճել են 6,4%-ով): Դրա հետ մեկտեղ, արդյունաբերությունն աճել է ընդամենը 0,7 տոկոսով (հիմնականում պղնձի համաշխարհային բարձր գների և ոսկու բարենպաստ գների հաշվին): Մշակող արդյունաբերության վերաբերյալ տվյալներ դեռ չկան, սակայն 8 ամսվա արդյունքներով այն 1,2 տոկոսով կրճատվել է:
Ոչ մեծ` 1,5 տոկոսով անկում է գրանցվել գյուղատնտեսության ոլորտում (հիմնականում այն բաժին է ընկել բանջարեղենի և կարտոֆիլի արտադրությանը)։
Էլեկտրաէներգիայի արտադրությունը կրճատվել է 2.7%-ով (հիմնականում վերանորոգման մեջ գտնվող ԱԷԿ-ի պարապուրդի հաշվին)։
Ինչ վերաբերում է արտաքին առևտրին, ապա ներմուծումն աճել է 17,2%-ով (կրկին պղնձի գների աճի հաշվին) և կազմել է 2 մլրդ 143 մլն դոլար, արտահանումն աճել է 9,4%-ով և կազմել 3 մլրդ 581 մլն դոլար։
Հիշեցնենք, որ 12 ամսում գնաճը սեպտեմբերի դրությամբ կազմել է 8,9 տոկոս։