Սուդանի վարչապետ Աբդալա Համդուկին ձերբակալել են, նա տնային կալանքի տակ է, հաղորդում է Al Jazeera-ն:
Բացի կառավարության ղեկավարից, ձերբակալվել են նաև 4 նախարար, երկրի ինքնիշխան խորհրդի քաղաքացիական ներկայացուցիչը, ինչպես նաև Խարթումի նահանգապետը: Նրանց բոլորի հետևից եկել են առանց տարբերանշանների համազգեստ կրող մարդիկ։
Նշվում է, որ զինվորականները ճնշում են գործադրում կառավարության ղեկավարի վրա, որպեսզի նա հանդես գա հայտարարությամբ՝ ի աջակցություն հեղաշրջման։
Ձերբակալած Համդուկը, սակայն, երկրի քաղաքացիներին կոչ է արել փողոց դուրս գալ։
Խարթումի որոշ հատվածերում ինտերնետ կապը չի աշխատում, զինվորականնեը փակել են քաղաք տանող կամուրջները։ Փողոցներից մի քանիսում ցուցարարներ են հավաքվել, որոնք անվադողեր են այրում։
Նոյեմբերին լրանում է Սուդանի անցումային Ինքնիշխան խորհրդի լիազորությունների ժամկետը, որը պետք է իշխանությունը փոխանցի քաղաքացիական կառավարությանը։
Ավելի վաղ Սուդանի մի քանի քաղաքներում տեղի էին ունեցել բողոքի ակցիաներ, որոնց մասնակիցները պահանջում էին, որ զինվորականները իշխանությունը փոխանցեն քաղաքացիական կառավարությանը: