ԵՐԵՎԱՆ, 25 հոկտեմբերի – Sputnik. Հազի և վիրուսային բրոնխիտի դեպքում պետք չէ հակաբիոտիկներ խմել: Այս մասին Ռոսիա 1 հեռուստաալիքի եթերում հայտնել է հայտնի բժիշկ և հեռուստահաղորդավար Ալեքսանդր Մյասնիկովը։
Բժշկի խոսքով՝ հաճախակի կիրառման դեպքում նման դեղամիջոցները դադարում են ազդեցություն ունենալ։
«Ձեր կոկորդը ցավում է` ձեզ չի կարելի հակաբիոտիկներ, բրոնխիտ է`ձեզ պետք չեն հակաբիոտիկներ։ Պարզապես սպասեք, հազի դեղ խմեք։ Նայեք, գուցե ձեզ մոտ վարակիչ բրոնխիտ չէ, քանի որ շատ դեպքերում այն վարակիչ չի լինում»,–պարզաբանել է բժիշկը։
Նրա խոսքով՝ հակաբիոտիկները հակացուցված են հայմորիտի դեպքում։
«Հիվանդանոցից դուրս հակաբիոտիկներ կարող եք ընդունել, երբ ունեք ստրեպտոկոկային անգինա 40 աստիճան ջերմությամբ, սրտի հիվանդությունների կանխարգելման համար, երբ ունեք սեռական վարակներ կամ թոքաբորբ եք տանում և բուժում եք ստանում տանը», - նշել է Մյասնիկովը:
Նա նաև ընդգծել է, որ հակաբիոտիկներ պետք չէ կիրառել բրոնխիտի առաջնային բուժման համար: