ԵՐԵՎԱՆ, 23 հոկտեմբերի - Sputnik. Հայտնի են Գյումրի–Երևան ճանապարհին, Կաքավաձորի մոտ տեղի ունեցած վթարի հետևանքով մահացածների ու տուժածների անունները և տարիքը։ Տեղեկությունը հայտնում է shamshyan.com–ը։
Պարզվել է, որ վթարի հետևանքով տեղում մահացել են 35-ամյա Արթուր Պալոյանը, որի բնակության վայրը ճշտվում է, Գյումրու բնակիչ, 41-ամյա Շուշանիկ Սահակյանը, Երևանի բնակիչ, 37-ամյա Անի Ու.-ն, որի ամբողջական տվյալները ճշտվում են, Գյումրու բնակիչ, 21-ամյա Արմեն Շարոյանը և վարորդը` Գյումրու բնակիչ, 59-ամյա Հարություն Կոստանյանը։
Մարդատար «Գազել» մակնիշի ավտոմեքենայի ուղևորներ Լիդա Ղազարյանը, Գարուշ Ավետիսյանը, Արփիկ Ղազարյանը, Նարեկ Ղուկասյանը, Պավել Վերնեցյանը, Օվսաննա Ղազարյանը, Աննա Մանուկյանը, Արմենուհի Դավթյանը, Գագիկ Հակոբյանը և ևս 1 ուղևոր (անգիտակից) տեղափոխվել են «Արմենիա» բժշկական կենտրոն, որոնց տարիքն ու բնակության հասցեները ճշտվում են, իսկ մյուս ուղևորները` Գյումրու բնակիչներ 31-ամյա Անի Մինասյանը, 31-ամյա Կարուշ Ավետիսյանը, 22-ամյա Սյուզաննա Հարությունյանը և Վանաձոր քաղաքի բնակիչ, 30-ամյա Քրիստինա Կուչուրյանը, տեղափոխվել են «Աշտարակ» բժշկական կենտրոն:
Գյումրու բժշկական կենտրոն է տեղափոխվել Գյումրու բնակիչ, 36-ամյա Արմենուհի Անտոնյանը, իսկ Գյումրի քաղաքի «Մոր և մանկան» Ավստրիական հիվանդանոց են տեղափոխվել 16-ամյա Ռաֆայել Ս.-ն և 15-ամյա Կարինեն Ա.-ն:
Մյուս տուժածները տեղում են առաջին բուժօգնություն ստացել և հիվանդանոց չեն տեղափոխվել։
Հիշեցնենք` հոկտեմբերի 20-ին Երևան-Գյումրի ավտոճանապարհի 51-րդ կմ-ի հատվածում` Կաքավաձոր գյուղի մոտ, ուղևորատար «Գազել» մակնիշի ավտոմեքենան դուրս էր եկել ճանապարհի երթևեկելի գոտուց, կողաշրջվել, ինչի հետևանքով մահացել էին ավտոմեքենայի վարորդը, 4 ուղևորները, իսկ 17 անձ տարբեր աստիճանի մարմնական վնասվածքներով տեղափոխվել էին բժշկական հաստատություններ:
Քրեական գործ է հարուցվել ՀՀ քրեական օրենսգրքի 242-րդ հոդվածի 3-րդ մասի հատկանիշներով (ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն առաջացրել է երկու և ավելի մարդու մահ ), 230-րդ -րդ հոդվածի 2-րդ մասով (լեռնահանքային, շինարարական կամ այլ աշխատանքների կատարման ընթացքում անվտանգության կանոնները խախտելը, որն առաջացրել է մարդու մահ կամ այլ ծանր հետևանքներ):